Традыцыйны жнівеньскі педагагічны форум – падзея асабліва важная, якая прыцягвае ўвагу не толькі педагагічнай супольнасці, але і шырокай грамадскасці, прадстаўнікоў усіх узроўняў улады. “Прафесіяналізм педагога, эфектыўнае кіраванне ўстановай – залог фарміравання сацыяльна паспяховай асобы дзіцяці” – пад такой назвай пройдзе свята.

Укараненне робататэхнікі і далейшае развіццё школьных бізнес- кампаній,  выкарыстанне выхаваўчай прасторы ўстановы адукацыі ў развіцці асобы дзіцяці, экалагічнае выхаванне – адны з сучасных напрамкаў развіцця канкурэтназдольнай установы, фарміравання асяродзя пазітыўнага індывідуальнага развіцця асобы. У рамках форуму будзе арганізавана работа выставы-конкурсу “Кветкі Настаўніку”, выстава-прэзентацыя “Складнікі поспеху”, дэманстрацыя  творчых праектаў “Мой любімы горад”, “Тварым у коле сям’і”, фотапостаў “Калі ты майстар сваёй справы”, выстава інфармацыйных матэрыялаў для вучняў і бацькоў “Акцэнт”, выстава банераў “Дзяржынск – горад дзяцінства”, майстар-класы педагогаў дадатковай адукацыі, інтэрактыўная прэзентацыя “Свет дзяцінства – 2016”. Супрацоўнікі выдавецтва “Мастацкая літаратура” дапамогуць педагогам набыць неабходныя мастацкія тэксты, метадычныя выданні.

         Для педагогаў раёна форум стане адпраўной кропкай у новы навучальны год, у смелыя планы і праекты, рэалізацыя якіх патрабуе каласальнай працы, вялікага прафесійнага вопыту, імкнення да адчування ўласнага дачынення да перамен, якія адбываюцца ў сістэме адукацыі.