Настаўнікамі англійскай мовы быў разгледжаны зборнік электронных сродкаў навучання “Лексіка-граматычны практыкум па замежных мовах”. Выклікаў цікавасць краязнаўчы матэрыял пра Волму, прадстаўлены настаўнікам англійскай мовы дзяржаўнай установы адукацыі “Валмянскі вучэбна-педагагічны комплекс дзіцячы сад – базавая школа” Іванам Іосіфавічам Рудовічам. Педагогі раёна прынялі актыўны ўдзел у майстар-класе настаўніка дзяржаўнай установы адукацыі “Гімназія №1 г.Дзяржынска” Віталія Уладзіміравіча Быкоўскага “Асаблівасці стварэння мультымедыйнай прэзентацыі да вучэбных заняткаў па англійскай мове”. В.У. Быкоўскі пазнаёміў прысутных з праграмай “Ноўтбук-10”.
На метадычным зборы настаўнікі беларускай мовы і літаратуры прааналізавалі дзейнасць віртуальнага кабінета, абмеркавалі прафесійную практыку Таццяны Станіславаўны Бубен (дзяржаўная ўстанова адукацыі “Сярэдняя школа №4 г.Дзяржынска”), Ларысы Мікалаеўны Лапцевай (дзяржаўная ўстанова адукацыі “Вялікасельскі вучэбна-педагагічны комплекс дзіцячы сад – базавая школа”) па прымяненні інфармацыйна-камунікацыйных тэхналогій у адукацыйным працэсе. Карысным для кожнага з удзельнікаў стаў майстар-клас “Выкарыстанне інфармацыйна-камунікацыйных тэхналогій у працэсе выкладання беларускай мовы і літаратуры” настаўніка дзяржаўнай установы адукацыі “Станькаўская сярэдняя школа імя Марата Казея” Вольгі Аляксандраўны Макеенка.
Настаўнікі рускай мовы і літаратуры падкрэслілі значнасць электроннага дапаможніка С.Карпушына “Литературная классика на экране”, абмеркавалі вопыт настаўніка дзяржаўнай установы адукацыі “Дварышчанскі вучэбна-педагагічны комплекс яслі-сад – сярэдняя школа” Дзіяны Уладзіміраўны Хлуд, настаўніка дзяржаўнай установы адукацыі “Баравікоўская сярэдняя школа Дзяржынскага раёна” Зоі Вячаславаўны Занеўскай, настаўніка дзяржаўнай установы адукацыі “Грычынскі вучэбна-педагагічны комплекс яслі-сад – базавая школа” Ніны Дзмітрыеўны Шыраевай. Педагогі Дзяржыншчыны прыйшлі да вываду, што інфармацыйна-камунікацыйныя тэхналогіі не перашкаджаюць змястоўнасці выкладу матэрыялу, калі носяць актуальны і сістэмны характар.