Умовы правядзення
раённага этапа Рэспубліканскага конкурсу сацыяльных праектаў
“Мае землякі – мой гонар” у рамках акцыі навучэнскай моладзі “Жыву ў Беларусі і тым ганаруся”
1. Асноўнымі мэтамі і задачамі конкурсу з’яўляюцца:
фарміраванне ў навучэнскай моладзі грамадзянска-патрыятычных пачуццяў і адказнасці за захаванне гісторыка-культурнай спадчыны роднага краю;
равіццё творчага патэнцыялу дзяцей і моладзі, далучэннне іх да пошукавай дзейнасці, накіраванай на даследаванне жыццёвага і творчага шляху вядомых людзей малой радзімы;
папулярызацыя імёнаў славутых землякоў сродкамі даследчай і мастацкай дзейнасці;
выкарыстанне сямейнага патэнцыялу навучэнцаў у даследаванні і прапагандзе творчасці знакамітых людзей Бацькаўшчыны.
1.2. Конкурс сацыяльных праектаў “Мае землякі – мой гонар” праводзіцца з 20 сакавіка па 25 верасня 2015 года. Удзел у конкурсе абавязковы для ўстаноў агульнай сярэдняй адукацыі.
1.3. Удзельнікамі конкурсу з’яўляюцца асобныя навучэнцы, калектывы навучэнцаў устаноў агульнай сярэдняй і дадатковай адукацыі дзяцей і моладзі.
1.4. Конкурс праводзіцца па наступных намінацыях:
«Гонар і слава маёй Бацькаўшчыны» (калектыўная);
«Творцы сучаснай гісторыі» (індывідуальная).
У намінацыі «Гонар і слава маёй Бацькаўшчыны» на конкурс прадстаўляюцца даследчыя матэрыялы аб жыццёвым, працоўным шляху сучасніка, у якія ўваходзяць:
звесткі аб малой радзіме (мясцовасці, дзе нарадзіўся аўтар), аб гістарычных і культурных асаблівасцях краю;
матэрыял аб жыццёвым і працоўным шляху славутага земляка-сучасніка (пісьменнік, паэт, кампазітар, майстар народнай творчасці, дзеяч навукі, мастацтва, палітычны ці дзяржаўны дзеяч, перадавік сельскай гаспадаркі, прамысловасці і інш.);
апісанне творчай дзейнасці, поспехаў і дасягненняў земляка;
выпіскі з пісьмовых крыніц, тэксты ўспамінаў, фотаздымкі, матэрыялы, размешчаныя ў сродках масавай інфармацыі і г.д.;
матэрыялы, якія пацвярджаюць папулярызацыю імя і дзейнасці славутага земляка;
прапановы аўтара работы па выкарыстанні звестак, атрыманых у ходзе даследавання, з мэтай прапаганды дасягненняў земляка, яго дзейнасці і творчасці.
У намінацыі «Творцы сучаснай гісторыі» на конкурс прадстаўляюцца:
відэаматэрыял (інтэрв’ю, відэасюжэт) аб дзейнасці земляка-сучасніка;
тэкставая анатацыя, якая змяшчае кароткія звесткі аб аўтары работы і славутым земляку.
Пры падрыхтоўцы відэаматэрыялу аўтар выступае ў ролі рэжысёра, аператара, сцэнарыста або карэспандэнта.
Патрабаванні да відэаматэрыялу: працягласць – да 5 хвілін, тэхнічныя параметры: фармат – avi, mpg, або wmv.
1.5. Конкурсныя работы павінны мець тытульныя старонкі на дзвюх мовах (рускай і беларускай) з пазначэннем вобласці, раёна/горада, установы адукацыі, назвы работы, інфармацыяй аб аўтары работы (прозвішча, імя, імя па бацьку, клас/гурток) і аб кіраўніку/кіраўніках (прозвішча, імя, імя па бацьку, пасада), а таксама нумары кантактных тэлефонаў.
1.6. Конкурсныя работы прадстаўляюцца да 25 верасня 2015 года ў раённы вучэбна-метадычны кабінет (вул.Першамайская, 19, метадысту Бурынскай Г.Ю.).
Пераможцы ўзнагароджваюцца дыпломамі аддзела адукацыі, спорту і турызму і лепшыя конкурсныя матэрыялы (па 2 лепшыя работы ў кожнай намінацыі) прымуць удзел у абласным этапе конкурсу.
Журы конкурсу:
Чыгір Т.К. – загадчык раённага вучэбна-метадычнага кабінета, старшыня журы;
Бурынская Г.Ю. – метадыст вучэбна-метадычнага кабінета;
Курыліна А.А. – метадыст ДУА“Раённы цэнтр турызму і краязнаўства”;
Макарэвіч Г.У. – настаўнік гісторыі ДУА “Станькаўская сярэдняя школа ім. Марата Казея”;
Полцеў В.І. – настаўнік гісторыі ДУА “Сярэдняя школа №2 г.Дзяржынска”;
Зіневіч В.І. – метадыст ДУА “Раённы цэнтр турызму і краянаўства”.
Журы працуе 25 верасня 2015 года з 12.00. па адрасу: вул. Першамайская, 19, вучэбна-метадычны кабінет.
Загадчык раённага вучэбна-
метадычнага кабінета Т.К.Чыгір