“Настаўнік – гэта філасофія…”

         Філасофія настаўніцкага жыцця... Мудрасць і сіла настаўніцкага слова, клопат пра кожнага выхаванца, вучня. Гэта яшчэ і найлепшы педагагічны вопыт, імкненне падзяліцца метадычнымі “разынкамі” з калегамі, вынесці ўласную дзейнасць на суд грамадскасці.

Трынаццаць педагогаў раёна, з годнасцю прайшоўшы шматлікія няпростыя іспыты (праект вучэбнага занятку, педагагічнае эсэ, псіхолага-педагагічнае тэсціраванне, вучэбны занятак у незнаёмым класе (групе)), сталі фіналістамі раённага этапу конкурсу прафесійнага майстэрства педагагічных работнікаў “Настаўнік года – 2017”.

“Педагог – прафесія творчая. Мы ўбачылі вашу захопленасць, любоў да дзяцей, шчырасць”, – падкрэсліла прарэктар па вучэбнай рабоце Мінскага абласнога інстытута развіцця адукацыі Ганна Паўлаўна Гурко.

Канкурсантаў чакаў педагагічны экспромт і творчае самапрадстаўленне… Непаўторныя, арыгінальныя выступленні фіналістаў прадэманстравалі сістэму работы з вучнямі, выхаванцамі і бацькамі, выкарыстанне сучасных форм і метадаў працы, інавацыйных методык.

Займальную прэзентацыю-фізкультхвілінку правяла Кацярына Аляксандраўна Трафімовіч, настаўнік фізічнай культуры і здароўя Станькаўскай сярэдняй школы імя Марата Казея. Цытуючы словы знакамітай песні “Надежда”, Ірына Аляксандраўна Данілава, настаўнік пачатковых класаў гімназіі г.Фаніпаля, паразважала аб прызначэнні настаўніка на Зямлі. Выхавальнік – сапраўдны чараўнік, у чым і  пераканалі членаў журы і гледачоў Наталля Паўлаўна Акаловіч, выхавальнік Дашкольнага цэнтра развіцця дзіцяці г.Дзяржынска, і Вольга Анатольеўна Леановіч, выхавальнік Дашкольнага цэнтра развіцця дзіцяці г.Фаніпаля. Легендарная шэкспіраўская фраза “Быць альбо не быць?” творча асэнсавана падчас самапрадстаўлення настаўніка англійскай мовы гімназіі №1 г.Дзяржынска Віталія Уладзіміравіча Быкоўскага. Акраслова “жыву” атрымалася ў выніку метадычных пошукаў настаўніка пачатковых класаў гімназі г.Дзяржынска Іны Сяргееўны Колпак. Згадаўшы вядомы фільм, выхавальнік ясляў-сада №7 г.Дзяржынска Таццяна Аляксандраўна Квецень паказала ролю педагога ў фарміраванні асобы дашкольніка. З кветкай параўнала ўласную педагагічную працу настаўнік біялогіі сярэдняй школы №2 г.Дзяржынска Людміла Валянцінаўна Аўдзеенка. Паэтычна і ўзнёсла аб прафесійным шляху расказала Марына Міхайлаўна Каваленка, настаўнік беларускай мовы і літаратуры сярэдняй школы №1 г.Фаніпаля. Аб педагагічным станаўленні шчыра паразважаў настаўнік фізікі сярэдняй школы №1 г.Фаніпаля Максім Віктаравіч Дубіна. Значэнне інавацыйна-праектнай дзейнасці для павышэння якасці дашкольнай адукацыі акрэсліла Таццяна Іосіфаўна Канецкая, выхавальнік ясляў-сада №5 г.Дзяржынска. Над сэнсам імя “Святлана” запрасіла задумацца настаўнік гісторыі і грамадазнаўства гімназіі г.Дзяржынска Святлана Уладзіміраўна Бурцава. Майстэрскай, прафесійнай паэзіяй, музычным увасабленнем было прасякнута выступленне настаўніка беларускай мовы і літаратуры гімназіі г.Дзяржынска Аксаны Яўгеньеўны Хацкевіч.

“Паважаныя калегі! Вы ўсе ўжо з’яўляецеся пераможцамі, паколькі пастаянна працуеце над сабой, транслюеце свой вопыт публічна”, –  адзначыў начальнік аддзела адукацыі, спорту і турызму Вацлаў Іванавіч Матусевіч.

Спецыяльны прыз начальніка аддзела адукацыі, спорту і турызму атрымаў Максім Віктаравіч Дубіна, прыз глядацкіх сімпатый –Віталій Уладзіміравіч Быкоўскі, падарунак ад райкама прафсаюза – самы малады ўдзельнік конкурсу Кацярына Аляксандраўна Трафімовіч. Кожны канкурсант атрымаў прыз ад старшыні грамадскага аб’яднання “Белая Русь” Раісы Мікалаеўны Смяян.

На абласным этапе конкурсу гонар Дзяржынскага раёна будуць абараняць:

Канецкая Таццяна Іосіфаўна, выхавальнік дзяржаўнай установы адукацыі “Яслі-сад №5 г.Дзяржынска” (намінацыя “Выхавальнік дашкольнай адукацыі”);

Колпак Іна Сяргееўна, настаўнік пачатковых класаў дзяржаўнай установы адукацыі “Гімназія г.Дзяржынска” (намінацыя “Настаўнік пачатковых класаў”);

Дубіна Максім Віктаравіч, настаўнік фізікі дзяржаўнай установы адукацыі “Сярэдняя школа №1 г.Фаніпаля” (намінацыя “Фізіка, астраномія, матэматыка, інфарматыка”);

Каваленка Марына Міхайлаўна, настаўнік беларускай мовы і літаратуры дзяржаўнай установы адукацыі “Сярэдняя школа №1 г.Фаніпаля” (намінацыя “Руская мова і літаратура, беларуская мова і літаратура”);

Быкоўскі Віталій Уладзіміравіч, настаўнік англійскай мовы дзяржаўнай установы адукацыі “Гімназія №1 г.Дзяржынска” (намінацыя “Замежная мова”);

Бурцава Святлана Уладзіміраўна, настаўнік гісторыі і грамадазнаўства дзяржаўнай установы адукацыі “Гімназія г.Дзяржынска” (намінацыя “Гісторыя, грамадазнаўства, геаграфія”);

Аўдзеенка Людміла Валянцінаўна, настаўнік біялогіі дзяржаўнай установы адукацыі “Сярэдняя школа №2 г.Дзяржынска” (намінацыя “Хімія, біялогія”);

Трафімовіч Кацярына Аляксандраўна, настаўнік фізічнай культуры і здароўя дзяржаўнай установы адукацыі “Станькаўская сярэдняя школа імя Марата Казея” (намінацыя “Музыка, выяўленчае мастацтва, мастацтва (сусветная і айчынная мастацкая культура), працоўнае навучанне, чарчэнне, фізічная культура і здароўе, дапрызыўная падрыхтоўка”).

Шчыра віншуем канкурсантаў і жадаем новых перамог, новых прафесійных і жыццёвых узлётаў!