У рабоце занятку метадычнага фарміравання прынялі ўдзел маладыя настаўнікі замежнай мовы, педагагічны стаж якіх складае да двух гадоў: Вікторыя Уладзіміраўна Ляўшук, Андрэй Міхайлавіч Цярэнцьеў (дзяржаўная ўстанова адукацыі “Сярэдняя школа №1 г.Фаніпаля”), Паліна Дзмітрыеўна Мароз, Валерыя Андрэеўна Някрасава (дзяржаўная ўстанова адукацыі “Сярэдняя школа №4 г.Дзяржынска”), Дар’я Мікалаеўна Смялова (дзяржаўная ўстанова адукацыі “Негарэльская базавая школа №2”), Вольга Міхайлаўна Брэль (дзяржаўная ўстанова адукацыі “Гімназія №1 г.Дзяржынска”).
В.Э. Ціханава правяла абагульняльны ўрок у пятым класе з выкарыстаннем элементаў праектнай тэхналогіі, тэхналогіі развіцця крытычнага мыслення. Кіраўнік майстар-класа паказала на практыцы, якім чынам праз сістэму рознаўзроўневых практыкаванняў можна актывізаваць дзейнасць вучняў, развіваць маўленчыя здольнасці, выхоўваць узаемадапамогу, узаемападтрымку, пачуццё адказнасці за зроблены выбар. Валянціна Эдуардаўна ў форме ролевай гульні прадэманстравала работу з падручнікам па англійскай мове для пятага класа. Маладыя настаўнікі ў працэсе рэфлексіі выказалі меркаванне, што праведзены майстар-клас зарыентаваў іх на творчасць, новыя метадычныя пошукі.