Умовы правядзення раённага этапа
Рэспубліканскага конкурсу юных экскурсаводаў
“Мая Радзіма – Беларусь” у рамках акцыі навучэнскай моладзі
“Жыву ў Беларусі і тым ганаруся”
1. Асноўнымі мэтамі і задачамі конкурсу юных экскурсаводаў з’яўляюцца:
пашырэнне краязнаўчага руху сярод навучэнскай моладзі, далучэнне да гісторыка-культурных каштоўнасцей краю;
духоўнае ўзбагачэнне асобы навучэнца праз далучэнне да матэрыяльнай і духоўнай спадчыны сваіх землякоў, фарміраванне каштоўнасных арыенціраў, гонару і павагі за свой край;
папулярызацыя асаблівасцей гісторыка-культурных і прыродных дастапомнасцейкраю;
стымуляванне матывацыі навучэнцаў да актыўнага ўключэння ў экскурсійную дзейнасць, прывіццё навыкаў экскурсавода;
пашырэнне і паглыбленне інтэлектуальных і пазнавальных магчымасцей навучэнцаў праз экскурсійную дзейнасць;
стымуляванне матывацыі навучэнцаў да актыўнага ўключэння ў экскурсійную дзейнасць, прывіццё навыкаў экскурсавода;
садзейнічанне прафесійнаму самавызначэнню;
сацыялізацыя навучэнцаў, набыццё камунікатыўных навыкаў праз далучэнне да экскурсійнай дзейнасці;
выяўленне і заахвочванне лепшых юных экскурсаводаў.
-
Конкурс юных экскурсаводаў праводзіцца з 20 сакавіка па 30 мая 2015 года. Удзел у конкурсе абавязковы для ўстаноў агульнай сярэдняй адукацыі .
1.3. Удзельнікамі конкурсу юных экскурсаводаў з’яўляюцца асобныя навучэнцы сярэдніх і старэйшых класаў устаноў агульнай сярэдняй адукацыі, навучэнцы аб’яднанняў па інтарэсах устаноў дадатковай адукацыі дзяцей і моладзі.
1.4. У конкурсе ўдзельнічаюць юныя экскурсаводы, якія прадстаўляюць віртуальную экскурсію па Беларусі. Тэматыка экскурсіі выбіраецца адвольна. Гэта можа быць экскурсія, якая звязана:
з важнейшымі гісторыка-культурнымі падзеямі на тэрыторыі краіны;
з вядомымі і маладаследаванымі аб’ектамі матэрыяльнай і духоўнай культуры;
з падзеямі Вялікай Айчыннай вайны і іншых гадоў ваеннага ліхалецця;
са знакамітымі імёнамі Бацькаўшчыны, славутымі родамі Беларусі;
з аб’ектамі страчанай спадчыны;
з археалагічнымі і прыроднымі аб’ектамі;
з помнікамі, традыцыямі рэлігійнай культуры Беларусі, з жыццём і дзейнасцю кананізаваных праваслаўных святых зямлі беларускай;
з сацыяльна-эканамічнымі аб’ектамі і г.д.
Тэматыка экскурсіі, ахоп тэрыторыі для правядзення экскурсіі і колькасць аб’ектаў на маршруце не абмяжоўваецца.
1.5. Удзельнікі конкурсу юных экскурсаводаў праводзяць папярэднюю работу: падбіраюць матэрыял для экскурсіі, даследуюць аб’екты, вызначаюць тэму, апрацоўваюць сабраны фактычны матэрыял, ствараюць «партфель юнага экскурсавода», складаюць экскурсійны маршрут, працуюць над тэкстам і методыкай правядзення экскурсіі.
Удзельнікі конкурсу юных экскурсаводаў да 15 хвілін прэзентуюць экскурсію адпаведна выбраннай тэме. Юны экскурсавод павінен прэзентаваць тэматычную экскурсію і раскрыць адвольна выбраную тэму. Колькасць аб’ектаў падчас правядзення экскурсіі не абмяжоўваецца. Выявы аб’ектаў прадстаўляюцца мультымедыйна.
На конкурс прадстаўляецца:
вочная прэзентацыя экскурсіі ўдзельнікам конкурсу юных экскурсаводаў;
справаздачны матэрыял:
уводзіны, нітка маршрута і тэкставы варыянт распрацаванай экскурсіі з пазначэннем аўтара;
«партфель юнага экскурсавода» (фотаздымкі выбраных экскурсійных аб’ектаў з кароткай анатацыяй і іншы наглядны матэрыял, які можа дапоўніць патрэбныя звёны глядзельнага рада аб’ектаў, дапамагчы насыціць экскурсію бачнымі вобразамі (фотаздымкі людзей, карты, схемы, малюнкі, дакументы і інш.);
мультымедыйная прэзентацыя.
1.6. Асноўныя крытэрыі ацэнкі экскурсійнага прадстаўлення:
вытрыманасць тэматыкі экскурсіі;
змястоўнасць валодання інфармацыяй аб экскурсійных аб’ектах;
канкрэтнасць і даходлівасць;
лагічнасць пераходаў для аб’яднання матэрыяла экскурсіі ў адзінае цэлае;
спалучэнне паказа і расказа;
культура мовы, валоданне маўленчымі сродкамі;
валоданне аўдыторыяй;
займальнасць, крэатыўнасць, артыстызм;
прытрымліванне хранаметражу.
1.7. Конкурсныя матэрыялы прадстаўляюцца да 05 мая 2015 года ў раённы вучэбна-метадычны кабінет (вул.Першамайская,19, метадысту Бурынскай Г.Ю.).
06 мая 2015 года 10.00 у ДУА “Сярэдняя школа №2 г.Дзяржынска” адбудзецца прэзентацыя віртуальнай экскурсіі (удзельнікі конкурсу юных экскурсаводаў да 15 хвілін прэзентуюць экскурсію адпаведна выбраннай тэме).
Пераможцы узнагароджаюцца дыпломамі аддзела адукацыі, спорту і турызму і лепшыя работы (тры першыя месцы) прымуць ўдзел ў абласным этапе конкурсу.
Журы конкурсу:
Чыгір Т.К. – загадчык раённага вучэбна-метадычнага кабінета, старшыня журы;
Бурынская Г.Ю. – метадыст вучэбна-метадычнагакабінета;
Курыліна А.А. – метадыст ДУА “Раёны цэнтр турызма і краязнаўства”;
Ахрэм Т.А. – старшы навуковы супрацоўнік раённага гісторыка-краязнаўчага музея;
Полцеў В.І. – кіраўнік музея ДУА “Сярэдняя школа №2 г.Дзяржынска”.
Загадчык раённага вучэбна-
метадычнага кабінета Т.К. Чыгір