Павел Алегавіч Заблоцкі – мастак

Павел Заблоцкі нарадзіўся 1 сакавіка 1982 года ў Дзяржынску. У 1983 годзе бацька Паўла Заблоцкі Алег Антонавіч быў прызначаны дырэктарам Вялікасельскай васьмігадовай школы, а маці – настаўніцай рускай мовы і літаратуры, таму іх сям’я пераехала на пастаяннае месца жыхарства ў вёску Вялікае Сяло. Першага  верасня 1988 года Павел быў залічаны ў 1 клас Вялікасельскай базавай школы.   У    1997 годзе  ён   атрымаў     пасведчанне аб агульнай базавай адукацыі Вялікасельскай сярэдняй школы. Скончыў Мінскае  мастацкае вучылішча імя А.К. Глебава.

Удзельнік міжнародных пленэраў у Македоніі (1996, 1997), міжнародных б’еналах графікі дзяцей і моладзі ў Тоўруні, Польшча (1998, 2002) і б’енале графікі ў Оўрэнсе, Іспанія (2004, 2006), лаурэат міжабласной выставы работ маладых мастакоў “На мяжы тысячагоддзяў…” у Маскве (2000). Персанальная выстава ў Амстэрдаме, Галандыя (2005).

Прымаў удзел у міжнародных конкурсах у Македоніі, Германіі, Расіі, Польшчы, Фінляндыі, Славеніі, Партугаліі, ЗША, на Тайвані. Стыпендыят Спецыяльнага фонду Прэзідэнта Рэспублікі Беларусь па падтрымцы таленавітай моладзі.

Шмат работ Паўла ўпрыгожваюць інтэр’ер роднай школы. Інфармацыя пра Паўла, як аб вядомым мастаку Дзяржыншчыны размешчана ў кнізе “Дзяржынскі раён -2014”.