Рэзалюцыя жнівеньскага форуму педагагічных работнікаў

“Якасць навучання і выхавання –

на ўзровень сучасных патрабаванняў”

У рабоце форуму прынялі ўдзел педагагічныя і кіруючыя работнікі ўстаноў адукацыі, спорту і турызму Дзяржынскага раёна. У межах форуму працавалі тэматычныя пляцоўкі, на якіх абмяркоўваліся пытанні абнаўлення зместу адукацыі, адпаведнасці навучання і выхавання сучасным патрабаванням, развіцця інфармацыйнага асяроддзя ў сучасных умовах. Падведзены вынікі работы за 2013/2014 навучальны год.  

Заслухаўшы даклад начальніка аддзела адукацыі, спорту і турызму, у працэсе дыскусіі ўдзельнікі форуму

адзначылі, што мінулы 2013/2014 навучальны год стаў годам развіцця сістэмы адукацыі, спорту і турызму Дзяржыншчыны, сістэмнай работы па рэалізацыі дзяржаўнай адукацыйнай палітыкі, Канцэптуальных арыенціраў.

Канстатавалі, што змены, якія адбываюцца, дазваляюць вывесці сістэму адукацыі, спорту і турызму раёна на новы сучасны ўзровень, а задачы, якія стаяць перад педагагічнай грамадскасцю, прад'яўляюць новыя патрабаванні да педагога. У сувязі з гэтым перагляд работы аддзела, устаноў ў адпаведнасці з сучаснымі патрабаваннямі з'яўляецца важным і своечасовым.

Зафіксавалі, што ў сістэме адукацыі, спорту і турызму Дзяржыншчыны ёсць рэсурсы, якія дазваляюць эфектыўна вырашаць задачы яе развіцця і ператварэння.

Паспяхова ажыццяўляецца работа сістэмы дашкольнай адукацыі: удасканальваецца развіваючае адукацыйнае асяроддзе, павялічваецца колькасць формаў атрымання дашкольнай адукацыі.

Сёння актуалізавана задача стварэння сучаснай сістэмы навучання і выхавання ў школе. Негатыўныя тэндэнцыі, якія праяўляюцца ў падлеткавым і моладзевым асяроддзі, сведчаць аб неабходнасці ўзмацнення ўдзелу ўстаноў адукацыі, усіх грамадскіх інстытутаў у вырашэнні задач выхавання, фарміравання сацыяльных кампетэнцый і грамадзянскіх установак навучэнцаў. Удзельнікі форуму адзначаюць выключную важнасць і надзвычайную актуальнасць рашэння задач сацыялізацыі школьнікаў у сучасных умовах.

Праведзена работа па павышэнні якасці дзейнасці ўстаноў агульнай сярэдняй і дадатковай адукацыі: палепшаны ўзровень матэрыяльна-тэхнічнага забеспячэння, актыўна ўкараняюцца ў практыку работы інфармацыйна-камунікацыйныя тэхналогіі, павышаецца ўзровень задаволенасці бацькоў якасцю і спектрам адукацыйных паслуг.

Работа па стварэнні адаптыўнай адукацыйнай прасторы, безбар'ернага асяроддзя ва ўстановах адукацыі раёна спрыяе сацыялізацыі і самарэалізацыі дзяцей з асаблівасцямі псіхафізічнага развіцця, развіццю іх творчага і інтэлектуальнага патэнцыялу.

Прызналі, што да ліку найбольш актуальных і перспектыўных пытанняў, якія патрабуюць рашэння, варта аднесці:  

працягнуць работу па стварэнні адукацыйнага асяроддзя, якое ўключае ўкараненне сучасных адукацыйных тэналогій, выкарыстанне камп’ютарных, інфармацыйных сістэм, сучаснага вучэбнага абсталявання і сродкаў навучання;

арганізаваць сістэмную эфектыўную работу гімназій, раённых рэсурсных цэнтраў, міжшкольнага  факультатыва па вучэбных прадметах, дыстанцыйныя формы падрыхтоўкі вучняў да інтэлектуальных спаборніцтваў (алімпіяд, турніраў, конкурсаў), удзелу ў цэнтралізаваным тэсціраванні;   

прадоўжыць работу па развіцці інклюзіўных працэсаў у сістэме адукацыі, спорту і турызму раёна;     

развіваць новыя формы арганізацыі атрымання дашкольнай адукацыі;

павышаць выхаваўчы патэнцыял устаноў агульнай сярэдняй, спецыяльнай і дадатковай адукацыі праз фарміраванне каштоўнасных ідэалаў і перакананняў вучняў, удасканаленне сістэмы выхавання грамадзянскасці і патрыятызму, садзейнічанне развіццю дзіцяча-юнацкіх ініцыятыў, лідарскіх якасцяў і актыўнай жыццёвай пазіцыі вучняў;  

удасканальваць міжведамаснае ўзаемадзеянне ў  арганізацыі прафілактычнай работы, накіраванай на выхаванне ўстойлівай матывацыі да здароўезберажэння, павышэнне эфектыўнасці фізкультурна-аздараўленчай дзейнасці, адмовы ад шкодных залежнасцяў;

актыўна ўкараняць разнастайныя формы работы з сям’ёй;

пашырыць сістэму занятасці вучняў, абапіраючыся на ўзаемадзеянне з суб’ектамі прафілактыкі, бацькамі, грамадскімі аб’яднаннямі.

Педагічным форумам узгоднены асноўныя прагназуемыя вынікі дзейнасці аддзела і ўстаноў адукацыі, спорту і турызму на 2014/2015 навучальны год па забеспячэнні стабільнага функцыянавання і павышэнні якасці навучання і выхавання ў адпаведнасці з сучаснымі патрабаваннямі.

Удзельнікі раённага форуму выказваюць упэўненасць у тым, што паслядоўная рэалізацыя Канцэптуальных арыенціраў сістэмы адукацыі Дзяржынскага раёна, правільна выбраныя стратэгіі навучання и выхавання, высокі прафесіяналізм, адказнасць і ініцыятыва ўсіх удзельнікаў адукацыйнага працэсу дадуць магчымасць паспяхова рэалізаваць пастаўленыя задачы.