|
 Гара Дзяржынская – найвышэйшая кропка Беларусі. Калі ўяўляеш яе, то думкі мімаволі імкнуцца ўвысь, хочацца марыць аб чымсьці пафасным і ўзнёслым. Сімвалічна, што ў Дзяржынскім раёне сёлета будзе праходзіць трэці (абласны) этап рэспубліканскай алімпіяды па вучэбным прадмеце “Геаграфія”. Гасцінна прымае алімпіяду дзяржаўная ўстанова адукацыі “Абласны аграрна-тэхнічны прафесійны ліцэй”.
Да ўдзелу ў гэтым няпростым, але прэстыжным інтэлектуальным спаборніцтве запрошаны 81 вучань Мінскай вобласці. Вучняў і гасцей чакалі маляўніча аформленыя Цэнтрам творчасці дзяцей і моладзі Дзяржынскага раёна выставы аб святкаванні Новага года ў розных краінах свету, арганізавана фотазона з глобусам. Выдатнаму настрою паспрыялі гукі аркестра гімназіі г.Дзяржынска. Пазітыўнай энергіяй зарадзіла геаграфічная латарэя з цікавымі прызамі. Открыть На плённую працу ўдзельнікаў і членаў журы настроіла ўрачыстае адкрыццё алімпіяды. Прысутных прывіталі: начальнік упраўлення па адукацыі, спорце і турызме Дзяржынскага райвыканкама Галіна Уладзіміраўна Гапанькова, старшыня журы дацэнт кафедры геаграфічнай экалогіі кандыдат геаграфічных навук Белдзяржуніверсітэта Яўгеній Анатольевіч Казлоў, начальнік вучэбна-метадычнага аддзела прыродазнаўча-матэматычных і тэхналагічных дысцыплін Мінскага абласнога інстытута развіцця адукацыі Вольга Аляксандраўна Арцёмава. “Вы ўсе ўжо з’яўляецеся пераможцамі”, – адзначыў дырэктар ліцэя Эдуард Юр’евіч Пірскі. Алімпійцам запомніўся запавет старшыні журы: “Алімпіяда – своеасаблівы конкурс, жорсткая канкурэнцыя. Трэба вызначыць найлепшых, таму варта працаваць з поўнай самааддачай”. Прадстаўнікі раёнаў размясцілі на ёлцы шары з самымі рознымі пажаданнямі (дабра, перамогі, задавальнення, поспеху). Кожны атрымаў асалоду ад канцэрта гімназіі г.Дзяржынска, прысвечанага Году малой радзімы. Паспяховага вам выступлення, шчаслівага ўзыходжання! Смотреть фотогалерею>>>
|
